اهلاً وسهلا يا أصدقائي . كيف حالكم ؟
كسبتوا وزن من فترة الحجر وحابين تنزلونه ؟
جيتوا للمكان الصح : )
اليوم انا بشاركك منتجات مفيدة جدا للي حابين يبدأون بترتيب اكلهم وتنظيمه , اعرف ان هذا الموضوع ممكن يكون غامض و متشعب والكل له رأي فيه و أتذكر بشكل جيد لما كنت في بداية مشواري الرياضي و الصحي كنت جدا محتارة , ومفهوم تنظيم الاكل وترتيبه جديد علي ! ولكن لما بدأت اكتشفت ان الموضوع مش بالصعوبة الي تخيلتها واني اقدر احقق هذا الهدف ونجحت الحمدلله واذا انا قدرت , انتم بعد تقدرون .
خلونا نتفق قبل ما نبدأ ان الأساس دائما في التغذية خصوصا لما نتكلم عن تنزيل الوزن , الرياضة لوحدها ماراح تجيب الا نتيجة بسيطة تقدّر ب 20% بس!
واما 80% من النتيجة المطلوبة ترتب بالاكل .. لذلك اليوم اعطيكم فكرة عن منتجات افادتني كثير في بداية مشواري الصحي وانا متأكدة انها راح تفيدكم بإذن الله .
هذه المنتجات اخترتها لكم من امازون مع العلم ان بضغطكم على الروابط راح احصل على عمولة بسيطة لذلك راح اكون ممتنة لكم ان قررتوا الشراء عبر هذه الروابط : ) دعمكم يساعدني دائما على تقديم محتوى افضل .
و ضروري تعرفون ان هذه المنتجات غير ضرورية 100% وتقدرون تستغنون عنها بالادوات المتوفرة عندكم و ما فيه أي عذر لعدم الالتزام بنمط تغذية جيد . = )
اول نقطة في تنظيم الغذاء هو حساب السعرات الحرارية هنا السرّ وهنا الأساس .. و حاليا فيه كتب كثير وتطبيقات سهلة الاستخدام تساعدكم على حساب السعرات الحرارية مثل تطبيق ماي فتنس بال My fitness pal المجّاني واللي يساعدكم على :
1- تحديد مقدار احتياجكم من السعرات الحرارية اليومية
2- اختيار هدفكم وايضاً تسجيل وجباتكم خلال اليوم بحيث تعرفون كم من السعرات تم اسهلاكه وكم المتبقي
3- بالإضافة الى وصفات كثير متوفرة بالتطبيق .
عيب التطبيق انه متوفر فقط باللغة الإنجليزية .
نجي للمحتوى العربي مع الأسف بالانترنت يحتاج تطوير قوي وبالنسبه لي اعتمد فقط على الكتب , ما فيه مكان بالعالم يعطيني المعلومة كاملة و شااملة الا بالكتب او دورات المختصين ومقالاتهم وهنا برشّح لكم بعض الكتب الي انصح فيها بقوة :
كتب جون كروز عن هالموضوع بشكل رائع في كتابة عن حساب السعرات الحرارية وكل كتبه متوفرة في جرير وانصحكم بالإطلاع على كتبه المتوعة لانها ببساطة ثرية وتتناول الغذاء + الرياضة .
و من الكتب الرائعة أيضا والي تعتبر إضافة ممتازة لمكتبه المنزل هو كتاب أنت ما تأكله لجيليان ماكيث , تتكلم بشكل سلس ورائع عن اساسيات النظام الغذائي الصحي ,انصح بقرائته بقووة .
واذا كنتم تتطلعون لكتاب شامل لوصفات صحية محسوبة السعرات انصحكم بكتاب صحي و سريع لـ مونيك زعرور , جدا ممتاز هالكتاب لانها كاتبه تفاصيل كل وجبه من السعرات + الفوائد و الفيتامينات واعتبره كتاب تثقيفي ومهم لكل شخص حاب يحسن من نمط تغذيته .
نجي لطريقة الحسبة , بعد ما تعرفون احتياجكم من السعرات الحرارية بتحتاجون ميزان غذاء و افضل أنواع الموازين هي الالكترونية , تعطيكم الحسبة بالجرام وانصحكم فقط بوزن النشويات و البروتينات و الدهون فقط واما الخضار و الفاكهه ما انصحكم بوزنها عشان ما توجعون راسكم : ) لان الخضار و الفاكهه تقريبا معدومة السعرات بس لازم نستثني الخضار النشوية مثل البطاطس و القرع او المليئة بالدهون مثل الافوكادو و المانجو وغيرها .
هذا ميزان جيد و دقيق :
الاكواب و الملاعق المعيارية مهمة جداً جداً ! ولما نحسب غذائنا , لازم نحسبه بناءا عليها , ما نحسبه بالملاعق العادية و هالشي راح يفرق معاكم كثييير .
و من أدوات المطبخ الي بتحتاجونها أيضاً هي المقلاة الهوائية , ورق الخبز و صواني الخبز وخلاطة جيدة للسموذي و المشروبات الصحية ( ما انصحكم بالعصائر او بالعصارات بشكل عام لانها تنزع اهم جزء بالفواكه وهي الالياف )
و لأن اغلب الاكلات الي راح تسوونها بتكون اما مشويه او مقليه بالقلاية الهوائية و هذه هي القلاية الي عندي , جدا ممتازة واستخدمها بشكل شبه يومي من 7 سنوات تبارك الله وحلال فيها كل ريال .اخذتها من زمان ب1200 ريال والان أصبحت ب600 ريال بأمازون , رائعة .
قلاية فيليبس الهوائية اعرف فيه موديلات اجدد ولكن هذه الي عندي بالضبط وجدا مبسوطه على جودتها
ورق الخبز الي احب استخدمه هو ورق الطهي من سانيتا وهنا لازم تختارون ورق الطهي مش الورق الشمعي للطهي لانه غير صحي ابداً .
واكيد اذا عندكم ورق الخبز السيليكون المتعدد الاستخدام مثل هذا النوع بيكون افضل و اصحّ وراح توفّرون المال على المدى البعيد :
وأخيرا بختم بالخلاطة الرائعة حقتي وهي فيليبس بروبلنيدر Philips pro blender واستخدمها بشكل يومي من 2016 ! المميز فيها انه كاسها زجاجي وتتحمل الحرارة وقت خلط الاكل ساخن و ايضاً شفراتها حادة وتتحمل تكسير الثلج بشكل يومي .
اتمنى انكم استفدتوا من هذا البوست واتمنى لكم حياة صحية وايجابية ^_^ .